Wëlpiɛth Lɔjik cï Mathäyo Cïthieei ke gɔ̈ɔ̈r (Mäthäyo 2:1-12)

1 Na cï Yecu dhiëëth në Bethlekem de Judaya në run ke Kerod mëlëk, ŋɛ̈mkɛ̈, go röör nyic käŋ gokï bɛ̈n piny ciɛ̈ɛ̈n bïkï Jeruthalem, 2 ku thiëckï, Yï tɔ̈ Mëlëŋ de Judai në piɔc dhiëëth tëno? Ciëërde acuk ŋëm ciɛ̈ɛ̈n, a wɔ bɔ̈ buk bï door. 3 Na cï Kërod mëlëk ye piŋ, go nom diaŋ kennë kɔc ke Jeruthalem kedhiɛ. 4 Go bänydït ke ka ke Nhialic ku dugɛ̈ɛ̈r ke kɔc cɔk guëër kedhiɛ, ku thiëc keek ye bï Kritho dhiëëth tëno? 5 Gokï yɔ̈ɔ̈k, Yï në Bethlekem de Judaya: yennëkee gɔ̈ɔ̈r në nebïï, 6 Ya yïn Bethlekem, paan de Juda, Yïn cie cän de bäny ke Juda: Yïn eka bïï gäbana bɛ̈n bei në yïyic, Yen man bï ya dubiöŋ de Yithrael jurdiɛ̈. 7 Go Kërod röör nyic käŋ cɔɔl nëluɔɔŋ, ku piŋ të tulë ciëër ënɔŋ keek apiath. 8 Ku cɔk ke lɔ Bethlekem, ku jiɛɛm, Ye lak lɔ thiëckɛ̈ të de ye mɛnhë apiath; ku na cäk ye yök, ke we yiɛ̈nkɛ̈ ɣa thok, ba lɔ door ëya. 9 Na cïk wël ke mëlëk piŋ, gokï lɔ ɣɔu dhöl; ku ŋɛ̈mkɛ̈, ciëër cïk ŋëm ciɛ̈ɛ̈n ee ke ŋɔ̈ɔ̈r, agut të jɔl en ɣëët ku kɛ̈ɛ̈c nhial të tɔ̈ meth thïn. 10 Na yï ŋëmkï ciëër, gokï piɔ̈ɔ̈th lɔyum në yum dït. 11Ku bïk ɣöt, gokï meth yök kennë man Marï; gokï kenhiɔl tuk ku dorkï; ku liepkï wëuken miɔckï në luŋ de jini, ku libano ku wal nyïr. 12 Ku nyïïnë keek në Nhialic në nyuɔ̈th duɔ̈ke ke bï dhuk ënɔŋ Kërod, gokï dhuk paanden në dhöl dɛ̈.