Kuen akököl ku them ba ka cï keek thiëëc në yecök dhuk.

Ɣɔn cï Nhialic këriɛ̈ɛ̈c ëbɛ̈n cak. Ke jɔl yuɛ̈n tääu në kaam nhial ke piny. Yuïn dïtkɔ̈u, nɔŋ duyïth bï kɔc ya lɔ nhial, go jäl tɔ̈. Ku kɔc aake cie guɛ̈r në kur, aake ye kɔ̈m, ku rëmkë.
Ku din cɔl Atɔ̈c ee tɔ̈, ku ke ye bɛ̈n tet në mïïth në dooŋ nhïïm.
Go tiŋ töŋ cë kake kɔ̈ɔ̈m ya ciɛɛc wei të de tët ke ajiɛ̈lke, agut të bök (biök) yen ajiɛ̈l de Atɔ̈c yic abë thou. Go Atɔ̈c yuïc(kɔɔr) bë yuïn ëlɔ nhial teem kɔ̈u. Në kaam niɛ(wën) ŋoot Atɔ̈c ke kën yuɛ̈n teem kɔ̈u, ke kɔc aake cï bɛ̈n bïkï bɛ̈n lɔ̈ŋ. Go jai, ku dhiil yuɛ̈n në tɛ̈më kɔ̈u. Go yuɛ̈n jäl kɔt(kɛt) nhial, ku cïn të berë ya yith nhial. Ku kɔc aake thiääk ke Nhialic në akölkɛ̈.
Na cë raan thou, ke ka lɔ nhial bï bɛɛr lɔ cak. Na bec raan ke ka lɔ nhial bï bɛɛr cɔk piɔl.
Na cï abiɛ̈ɛ̈l raan dɔm ke ka lɔ nhial në ye yuïnë bï bɛɛr lɔ cɔk dem.

Ka ke thiëc

1. Yeŋö ë yennë Atɔ̈c yuïn ëlɔ nhial teem kɔ̈u?
A. Ee kë cïnnë yen ciɛɛc wëi ke ajiɛ̈ɛ̈lke.
B. Ee kë cennë ajiɛ̈lde nɔ̈k.
C. Ee kë cennë ajiɛ̈lde biök yic abë thou.
D. Ee kë cennë kɔc yen bɛ̈n lɔ̈ŋ.
E. B& C keeka yith.

2. Cï luɛɛl de akököl; ë Atɔ̈c tɔ̈ ku ye bɛ̈n tet në mïïth tënö?
A. Domic.
B. Kaamic.
C. Dooŋ nhïïm.
D. Yalthok.

3. Yeŋö ë yennë kɔc Atɔ̈c lɔ̈ŋ?
A. Ago yuɛ̈n teem Kɔ̈u.
B. Ago yuɛ̈n cuɔ̈k tem Kɔ̈u.
C. Ago ajiɛ̈lde cuɔ̈k dhïïu arëët.
D. Aliu thïn.

4. Wën cï kɔc bɛ̈n bïk Atɔ̈c bɛ̈n lɔ̈ŋ, Cïŋö bɛ̈n yiɛ̈ndё?
A. Atɔ̈c acï yuɛ̈n bɛ̈n rukkɔ̈u.
B. Acï bɛ̈n jai, ku dhiil yuɛ̈n në tɛ̈më kɔ̈u.
C. Acï kɔc bɛ̈n piŋ ku pɛ̈l yuɛ̈n në tɛ̈më kɔ̈u.
D. A & B.

5. Na cï abiɛ̈ɛ̈l raan dɔm, ke ka lɔ nhial në ye yuïnë bï bɛɛr lɔ cɔk _______________.
A. Thiaan.
B. Dem.
C. Cɔk ye jöt.
D. Cak.

6. Ɣɔn thɛɛr në akölkɛ̈, ke kɔc aake__________________________ ke Nhialic.
A. Nhiar.
B. Thiääk.
C. Mec.
D. Kaar.

7. Na bec raan ke ka lɔ nhial në ye yuïnë bï bɛɛr lɔ cɔk__________________________. 

A. Cak. 

B. Piɔl. 

C. Thiaan. 

D. Waak.