Health science and traditional way of lived questions  
Abuk acï akɔiyɔ nyueth ɣɔn në gɛ̈ɛ̈ŋ aköl. Na ɣɔn thëëi ye kɔɔr bë cäu, ke wɛɛk ku tem ku jɔl juɔk tööny ku kɛn në thɔ̈t nhïïm ku jɔl kuɔ̈ny thar mac bë tuak. 

1. Yeŋö yen Abuk akɔiyɔ kan waak ku cï ciɛ̈u ëya?

   A. Ee bë dac tuak, ago dac lɔ lɔ̈ɔ̈r.
   B. Ee bë awuɔk (thim) ku acuɔl waak wei, ago kɔc cie ɣok.
   C. Ee bïï monydeen de gɔ̈k ŋëm lan yen nyan nyic thɛ̈t.
   D. Ee bïï kɔc ke paanden ŋëm lan yen nyan nyic thɛ̈t apiɛth.

2.  Ye kaŋö ye raan ke kɔɔr në pïïr yic ben ke wëi muknyin.

   A. Atiɛ̈p.
   B. Määth.
   C. Bääny.
   D. Aa ye yith kedhiɛ.

3. Ye wäl ŋö yennë kɔc toom në Amerika. Ee wäl ë
    A. Adhuɔŋyeth.
    B. Mïrï.
    C. Akoliel.
    D. Atuɔ̈ɔ̈r/juäi.
4. __________ Ee bëny ë kɔc /raan ɣook të cen pïu nɔŋ yic awuɔɔk dek. E raan yïɛn aŋɔ̈ɔ̈kdït ku yäc. Raan aye guup në yäc de Ayɔɔk ka biɔ̈ŋ de miir, ago raan pial.
   A. Toŋgolok.
   B. Ajuääk.
   C. Arɔ̈rɔ̈r.
   D. Tɔ̈ɔ̈c.

5. Agutmariar acï ______ lööm ben luak lɔ kutic. Yen ee yuɔɔm de lɔ̈m de woŋ yennëka ye lööm ku jɔl geeth kɔ̈u ku ye yic, ago yic lɔ köthöth ku bennë lauk ya kutic. Nëŋö luak acie kutic në wëc, në kë yennë ye lueel ya ke ɣɔ̈k wɛɛc wei.
   A. Wëc.
   B. Gaak.
   C. Lɔ̈ɔ̈m.
   D. Yuiɛl.
6. _________Aaye rɛp wën ye luɔk të cennë aruäth tem ku jɔl bel kɛp piny, ke keek kaa jɔl piɛɛr ku lokɛ̈.
   A. Aŋul.
   B. Abëër.
   C. Aruäth.
   D. Nyuɔ̈m.

Piööc de Bɛ̈t: Lesson 8

Kɔc kee rou: (Kɔc kee rou ë ke cï lɔ kör ë Ɣɔ̈k).

Kɔc kee rou aake cï lɔ kör ë Ɣɔ̈k. Gokï ɣet piny mec arëët. Wёn cï keek Ɣet ye pinyë, gokï dɛɛu kee rou Ɣɔɔc. Ku piny ee nɔŋ pawɛɛr, ku cï miɛ̈thden wën mukkɛ̈ thök. Wën acïï baai lëu në cuup në kë cï keek niäär në cɔk, go wën tök jam, ye cuetku dan tök, Ku na cuk baai cuɔ̈ɔ̈p, ke wɔ bë dan cï döŋ lɔ tek. Go wën dɛ̈në jai (rɛɛc), jiɛɛm, “Ye woŋ ca bɛ̈n kɔr ëtë mecë yen jäl cuet!” Go wën dɛ̈në jam, “ye ka piɛth.” ku nɛ̈k woŋ de bë cuet. Wën cen woŋ teem rӧr, go jäl yaaŋ, ku tuuk, ku jɔl kuɛ̈ny kɔ̈u tiim bë nyop. Go anyïjoŋ bɛ̈n ku nyuuc në wɛi yic. Go wën kёn dande nɔ̈k anyïjoŋ biӧkic. Na wën acë nɔ̈k, go lööm. Ku nyool, ku nyop, ku cuet. Ku jɔl yen pïu dek bë baai cuɔ̈ɔ̈p. Ɣɔn cïk keek dhuk bei, go raan cï dande nɔ̈k lɔ në lukic, jiɛɛm, “Naŋë Ɣɛn kё dandiɛ̈ nɔ̈k, raannë yen eedë kёn anyïjoŋ nɔ̈k bë cuet.” Go bäny luɔ̈k yic, go woŋ jäl tiitic bïk tek.

Rinku ________________________

Thëm # 2

Dhuk kee wël cï keek thïïckɛ̈ ku thiɔ̈ŋ ke ɣän lääukɛ̈ yiic në wël liu tɔ̈ në akököl ënhiɛ ca kueen yic.

1. Yeŋö yennë cï kɔc lɔ göör?

2. Wën cïk keek ɣet piny mec arëët, yeŋö cï rɔt bɛ̈n lɔ looi?

3. Wën cennë raan töŋ de keek woŋde teem rör, ku jɔl yaaŋ, ku tuuk. Cï jäl bɛ̈n looi ëdë?

4. Ɣɔn cennë raan woŋde nɔ̈k, cï Anyïjoŋ bɛ̈n ku nyuuc nëŋö yic?

5. Yeŋö yennë raan wën kёn dande nɔ̈k anyïjoŋ biӧkic, ku lööm ku nyop?

6. Ɣɔn cï keek dhuk bei, go raan cë dande nɔ̈k lɔ̈ në lukic_______.
  A. Yic.
  B. Lueth.

7. Raan wën kën dande nɔ̈k acï anyïjoŋ bɛ̈n biökic___________.
   A. Yic.
   B. Lueth.

8. Raan cï dande nɔ̈k acï bäny bɛ̈n luɔ̈k yic, go weŋ jäl__________.
  A. Lony.
  B. Ɣaac bïk tek.
  C. Tiitic bïk tek.
  D. Aliu thïn.

9. Ku piny ee nɔŋ pawεεr ku cï ______ wën mukkɛ̈ thök.
  A. Cäthden.
  B. Miɛ̈thden.
  C. Ɣönyden.
  D. Aliu në keekic.

10. Keek aakee cïï baai lëu në cuup në kë cï keek niäär në _________.
  A. Dɛ̈k.
  B.  Cɔk.
  C. Tuaany.
  D.  Kuɛth.