Wёl jöt ke Thuɔŋjäŋ = The Thoungjang new vocabulary

Abïny: Ee kë yennë tɔk, ku ka ayennë gɛm në pïu.
Abɛ̈ɛ̈r: Aaye rɛp wën ye luɔk të cenë aruäth tem.
Acuutnhïïm: Aaye dëël ci keek ya tɛɛm nhïïm piny ka cï nhïïm cop.
Adhäth: e cuïn de dhuk ye thaal në koth në dhïn yɔu wutic.
Akok: e kë ye muɔnyjäŋ rɛp ke tem ruɛ̈r ku ka yenë kuany ë thɔ̈u muɔi.
Akɔη: Aaye rɛp wën ye kan luɔk tueη ke raap ŋoot, ku ke kë tueŋ.
Akɔiyɔ: Ee wäl ye cil yalthok/baai thok.
Alɛl: Ee tän tiäi tɔ̈ në dhïn thok ka tiäi lääu në wut thok yenë
Alɔ̈ɔ̈k: Ee noon thïn ë nhom mayen ku le nhom potpot ku keek cil ruëër.
Anuaan: ka anuɛɛn (të juëc keek): e kë dhal raan ka kɔc.
Apiöök: Eetuŋ akɔ̈ɔ̈n ye ceŋ në kɔc kök ke ye kёde dhёёη/dhuëŋ.
Apɛlrääk/Alɔ̈knhïïm/Aparaak: Aaye röthi wën cï keek rääk ku cïï ber ya luui në ka ke mïth.
Aŋul: Aaye rɛp ye keek puur/com të cï aboor bɛ̈n ku tё ci piny dëu.
Ariɛɛm: Ee të cï tooc dëu ku jɔl aguɔt/aruɔr riɛr keka jɔl ɣɔ̈k riaam.
Aruäth: Aaye rɛp ye keek com këër ku lokkɛ̈ ruёr.
Atёtooŋ: Aaye raap ka anyol cï keek geet ku jal kë toŋ.
Atɔ̈rɔ̈ɔ̈ŋ: Aaye ŋeei ke cuïn cï döŋ ke kee dït nyïïn
Atolooŋ: ee bë raan rɔt wëŋ ye nɔŋ kë looi ka kë nἕk yen.
Atorooŋ: aaye tiim cï keek guaŋ ku benë keek ya töök në roŋ ke thɔ̈u.
Atɛ̈ny: Ee kë cuëëc në nyiɛth ku ka yennë cuïn laath.
Awuɔ̈l: Ee wɛ̈ɛ̈r dïït ye deŋ këëric ku ka yennë kɔc ku Ɣɔ̈k dek thïn muɔ̈i.
Awuro: Ee cuïn cï waac, Ka Cuïn ci wuur ku jɔl wac.
Ayiɛl: Ee kool de rau ye nyaai të kɔ̈ɔ̈më rap.
Ayiɛ̈ɛ̈r: Ee abïk ye piɔ̈k bei në rap kɔ̈ɔ̈th.
Biɔɔŋ: Ee biɔ̈ŋ ëye ceŋ thɛɛr ke ye alaath.
Cuiriith: aaye tiim thoi kɔ̈ɔ̈th cï riɛl.
Cuɛɛl: Ee yuïn cï yïïr në biɔ̈ŋ de woη/ weŋ ku benë woη/ weŋ ya mac.
Dhɔ̈lciɛ̈ɛ̈th: Aaye dhɔ̈l ye raan ëbɛ̈n kee tëëk/war.
Dhuŋbaai: Ee raan kën këdɛ̈ detic.
Dhuŋwut: Ee raan pelnyin/nyic käŋ
Ducum: Ee tim yenë com në rap.
Göröŋ (Görööŋ të juiëc keek): Ee kë ye muɔnyjäŋ rɛp ke tɔ̈u thïn muɔ̈i.
Juilik: Ee waan de nyuɔ̈m wën yen në nyin de nyuɔ̈m luɔk në ye kɔ̈u.
Kёŋ (këëŋ të yen tök): aaye tiim ye keek wɛɛi piny ɣöt thok ku jɛ̈lë ke ɣöt gäär.
Kɛɛu: Ee län tɔ̈ roor ku ke guɔp mayen cï Mande lɔ̈ɔ̈c ku yennë ka dït nё lɔ̈ɔ̈c.
Kɔmjuilik: Ee kömyöi de nyuɔ̈m.
Kömyööi: Ee (pät) pän ё roŋ ё thɔ̈I ka pän de tɔŋpiiny.
Kör: Ee dhïn thin ye tɔη nё thïndït kɔ̈u ku ka yenë miɔ̈ɔ̈r mac në ye kɔ̈u.
Luuŋ: ee adiit, adin ye ceŋ në kɔc cin.
Lɔ̈ɔ̈m: Ee yuɔɔm de lɔ̈m de woŋ yennë ka ye lööm bennë lauk ya kutic. Në luak acie kutic në wɛ̈c.
Mayɔm: Ee wäl ye dek të ci aɣaarnhom/ maläria raan dɔm.
Miɔ̈th: Ee noon ye ruath piiny në wut thok ku ka ril arëtic ace kɔ̈u ye dac tuɛny.
Nuak/Nuaŋ akɔcɔk: E timkë yennë kɔcɔk dök.
Pëm: Ee kän ye wɛc piny domyic bïnë dit ya tiit.
Piɔ̈ɔ̈t: Ee tim yennë piɛ̈ɛ̈t në lɔ̈ɔ̈i kee ɣɔ̈k wutic ku luak.
Puɔ̈t: Ee noon ye cil keek dït kɔ̈u në non yiic ku ke ŋuäc ke nyïr
Raaudiit: Ee noon ye cil në pulic ruëër ke cït man de raau ku ka ye dit cam.
Radεε: Ee kë yenë nyum yïk në ye kɔ̈u ku bi keek riɛr thin.
Rɔ̈i yääth: Aaye rɔ̈i ke thɔ̈u ëke piɔc keek cäp.
Tïït: Ee Tim tɔ̈ roor yennë piɔ̈nh de dek ke ye wäl de aɣaarnhom/maläria.
Tɔ̈r: Ee noon dɛ̈ ye cil ke rir ku nhom de aye looi kee ye wɛ̈c yennё piny wec.
Wacaai: aaye rɔ̈i ke thɔ̈i ka rɔ̈i ke akan cï waac.
Wuɔ̈ɔ̈m: Ee wɛ̈r ka piɔu de woŋ/weŋ cï dëu ku jɔl döη ke ye arop lɔyic roηroη.

 

 

Taming of tong! JAKOB 3:1-18(James 3:1-18)

1 Wätmɛ̈thciɛ̈, duɔ̈kɛ̈ röth cɔk ye dupiööc juëc. Muɔ̈kɛ̈ ë wenhïïm ke wɔ wɔ dupiööc bï luk në luŋ rir. 2 Wɔ ya kajuëc wuɔ̈ɔ̈c wɔdhiɛ, ku ran cie wuɔ̈c në yethok ee ye ran lɔjik; ku kalëu yeguɔ̈p në dök ëbɛ̈n apiath. 3 Wɔ ye luŋ de dök tääu në ajɔ̈ŋköör thok, bï ke ya cɔk gam wɔ, yennëka ye wɔ guɔ̈pden dɔk ëbɛ̈n. 4 Ŋɛ̈mkɛ̈ riäth ëya; në ke cak dït, ku kuath ke në yom dït, e kaye dɔk në luŋ thin de dök, të kɔr mëdök ben ke tɛ̈ɛ̈k thïn. 5 Yen liep ee kethin de guɔ̈p, ku kee rɔt leec në luɔi dïïtde. Ŋɛ̈mkɛ̈, roŋ dït aye cuäny në many thi! 6 Ku liep ee mac: ku kee kerɛ̈ɛ̈c ye piny thiɔ̈ɔ̈ŋ nom në kakuɔ yic, ee guɔ̈p ëbɛ̈n cɔk col, ku ye ka cïke cak cuäny në mac, many ye thɔ̈ɔ̈c në giɛna. 7 Kuan de lɛ̈i ëbɛ̈n, ku diɛt, ku ka mol, ku ka tɔ̈ bɛɛr, aa lëuke në mäc, ku kaaye mac në raan; 8 ku kacïn ran lëu liep në mäc; ee kerɛ̈ɛ̈c cie dak, cï thiäŋ në yuïrï de thou. 9 Yennëka ye wɔ Bɛ̈nydït ku Wun leec; ku yennëka ye wɔ kɔc cieen, kek ke man cïke cak e ke cït Nhialic: 10 lɛc ku ciɛ̈n aye bɛ̈n bei në thoŋ tökic. Wätmɛ̈thciɛ̈, kee kakɛ̈ acï bï dhiɛl yenya. 11 Ye awaŋgaak pïu mit ku pïu kec cɔk kuëër bei në thoŋ tök — 12 Wätmɛ̈thciɛ̈, lëu ŋaap luɔk ke ye olip, ka lëu abiei luɔk ke ye ŋaap — Yen acïn awaŋgaak lëu pïu piath në bïï kennë pïu ke awai

Two kinds of wisdom

13 Yeŋa ye ran nyic käŋ ku ye käŋ muk në weyic — Në ye luɔɔide nyuɔɔth në pïïr piɛthde, luɔɔi de piɔ̈n lir de nyïny ë käŋ. 14 Na yakɛ̈ naŋ tiɛɛl de kɛc de piɔ̈u ku ater në wepiɔ̈ɔ̈th, ke we duɔkɛ̈ röth ye leec, ku duɔ̈kɛ̈ yic ye cɔk ye lueth. 15 Yenyïnyë acie bɛ̈n nhial; ee kë piiny, ku kee kë de guɔ̈p, ku ye kë de jak rac. 16 Të tɔ̈ yï tiɛɛl kennë ater yennëka ye nom liääp tɔ̈ thïn ku luɔi rac ëbɛ̈n. 17 Nyïny ye bɛ̈n nhial ee kan lɔcar, ku ber ya tɔ̈ ke dɔ̈ɔ̈r, ku ye lɔcäi, ku ye dac gam, thiɛ̈ŋ në käc de piɔ̈u ku luɔi piath, cïï biäk ye maan ku nhiɛɛr biäk, cïn adhuɔɔm. 18 Të ye kɔc ye kɔc määt dɔ̈ɔ̈r pok, e kaa ye luɔɔi lɔjik tem.

Some conjugation of winnowing in sentences, mostly the word winnowing is both noun and a verb. 
1. Diäär aaye rap yuiiu në baaiciɛlic= the women winnow the sorghums in the courtyard (Simple present Tense).
2. Tik ee rap yuiiu në baaiciɛlic= the woman winnows the sorghums in the courtyard (Simple present Tense).
3. Diäär aa rap yuiiu në baaiciɛlic= the women winnowed the sorghums in the courtyard (Simple Past Tense).
4. Ttik a yuiu rap në baaiciɛlic= the woman is winnowing the sorghums in the courtyard (Present continuous tense).
5. Tik acï rap yuiiu në baaiciɛlic= the woman has winnowed the sorghums in the courtyard (Perfect present tense).
6. Tik acï rap yuiiu në baaiciɛlic = the woman had winnowed the sorghums in the courtyard (Perfect Past Tense).
7. Diäär aa yuiu rap në baaiciɛlic= the women are winnowing the sorghums in the courtyard (present continuous tense).
8. Diäär aacï rap yuiiu në baaiciɛlic= the women have winnowed the sorghums in the courtyard (perfect present Tense).
9. Diäär aabï rap yuiiu në baaiciɛlic= the women will winnow the sorghums in the courtyard (Simple Future Tense).
10. Diäär aabï rap ya yuiiu në baaiciɛlic= the women will be winnowing the sorghums in the courtyard (Future continuous Tense).

The conjugation of build

Simple Past Tense
1. Ɣɛn cï ɣööt yïk = I built the houses.
2. Yïn cï ɣööt yïk = you built the houses (singular).
3. Wɔ cï ɣööt yïk = We built the houses.
4. We cï ɣööt yïk = you built the houses (plural).
5. Keek aacï ɣööt yïk = they built the houses.
6. Yen acï ɣööt yïk = He built the houses.
7. Yen acï ɣööt yïk = She built the houses.

Past Continuous Tense
1. Ɣɛn ee yïk ɣööt = I was building the houses.
2. Yïn ee yïk ɣööt = you were building the houses (singular.
3. Wɔ kaake yïk ɣööt = we were building the houses.
4. We kaake yïk ɣööt = You were building the houses (plural).
5. Keek kaake yïk ɣööt = they were building the houses.
6. Yen ee yïk ɣööt = He was building the houses.
7. Yen ee yïk ɣööt = She was building the houses.

Past Perfect Tense
1. Ɣɛn cï ɣööt yïk = I had built the houses.
2. Yïn cï ɣööt yïk = you had built the houses (singular).
3. Wɔ cï ɣööt yïk = We had built the houses.
4. We cï ɣööt yïk = you had built the houses (plural).
5. Keek aacï ɣööt yïk = they had built the houses.
6. Yen acï ɣööt yïk = He had built the houses.
7. Yen acï ɣööt yïk = She had built the houses.

Past Perfect Continuous Tense
1. Ɣɛn cï ɣööt yïk = I had been building the houses.
2. Yïn cï ɣööt yïk = you had been building the houses (singular).
3. Wɔ cï ɣööt yïk = we had been building the houses.
4. We cï ɣööt yïk = you had been building the houses (plural).
5. Keek aacï ɣööt yïk = they had been building the houses.
6. Yen acï ɣööt yïk = He had been building the houses.
7. Yen acï ɣööt yïk = She had been building the houses.

Simple Present Tense (Indefinite)
1. Ɣɛn ye ɣööt yïk = I build the houses.
2. Yïn ye ɣööt yïk = you build the houses (singular).
3. Wɔ ye ɣööt yïk = we build the houses.
4. We ye ɣööt yïk = you build the houses (plural).
5. Keek aaye ɣööt yïk = they build the houses.
6. Yen ee ɣööt yïk = He builds the houses.
7. Yen ee ɣööt yïk = She builds the houses.

Present Continuous Tense
1. Ɣɛn yïk ɣööt = I am building the houses.
2. Yïn yïk ɣööt = you are building the houses (singular.
3. Wɔ yïk ɣööt = we are building the houses.
4. We yïk ɣööt = you are building the houses (plural).
5. Keek aa yïk ɣööt = They are building the houses.
6. Yen a yïk ɣööt = He is building the houses.
7. Yen a yïk ɣööt = She is building the houses.

Present Perfect Tense
1. Ɣɛn cï ɣööt yïk = I have built the houses.
2. Yïn cï ɣööt yïk = you have built the houses (singular.
3. Wɔ cï ɣööt yïk = we have built the houses.
4. We cï ɣööt yïk = you have built the houses (plural).
5. Keek aacï ɣööt yïk = they have built the houses.
6. Yen acï ɣööt yïk = He has built the houses.
7. Yen acï ɣööt yïk = She has built the houses.

Present Perfect Continuous Tense
1. Ɣɛn cï ɣööt yïk = I have been building the houses.
2. Yïn cï ɣööt yïk = you have been building the houses (singular.
3. Wɔ cï ɣööt yïk = we have been building the houses.
4. We cï ɣööt yïk = you have been building the houses (plural).
5. Keek aacï ɣööt yïk = they have been building the houses.
6. Yen acï ɣööt yïk = He has been building the houses.
7. Yen acï ɣööt yïk = She has been building the houses.

Simple Future Tense

1. Ɣɛn bï ɣööt yïk = I will build the houses.
2. Yïn bï ɣööt yïk = You will build the houses (singular.
3. Wɔ bï ɣööt yïk = We will build the houses.
4. We bï ɣööt yïk = You will build the houses(plural).
5. Keek aabï ɣööt yïk = They will build the houses.
6. Yen abï ɣööt yïk = He will build the houses.
7. Yen abï ɣööt yïk = She will build the houses.

Future Continuous Tense

1. Ɣɛn bï ɣööt ya yïk = I will be building the houses.
2. Yïn bï ɣööt ya yïk = You will be building the houses (singular.
3. Wɔ bï ɣööt ya yïk = We will be building the houses.
4. We bï ɣööt ya yïk = You will be building the houses(plural).
5. Keek aabï ɣööt ya yïk = They will be building the houses.
6. Yen abï ɣööt ya yïk = He will be building the houses.
7. Yen abï ɣööt ya yïk = She will be building the houses.

 Thuɔŋjäŋ prepositions) Aŋɔi ke Thuɔŋjäŋ.

Aŋɔi aaye wël thii ye keek juak/tääu në kεm ke wël agokï yïïn yiɛ̈n alooŋ piεth/ ŋɔɔc /tuëët. Ka diääŋ ke aŋɔi keek kakë: ke, kee, kek, kë, ake, aake, ka, kaa, aka, ko, ku, kuna, na, aye, kennë, në, de, ë, atɔ̈, agoki, kï, ku jɔl ya agoku. Nyooth de Aŋɔi yennë kë:

1. Acol acï göm miɔɔk ku pol ca buric.

2.Dut ku lual aa tɔŋ kör në dhïn kɔ̈u.

3.Jɔlwɔliec ku Yuuth aa bï diɛ̈r në thök de Pεεi.

4. Rin ke kɔc ku rin ke bɛ̈i aaye keek gɔl në  akeer dїt.

5.Agaany ku Nyaη aa tit Awan, kuna cï Awan bɛ̈n, kaa jɔl lɔ paan Awan.

6.Ayuɛ̈n kennë Thɔn aabï waar në thïïkic miäk.

7.Adut ku Adääu aa bï  ɣɔ̈k raak.

8.Acol ku Aduɔɔt aabï waar në kööl kɛɛny. 

9.Adɔɔt abï woŋ ayoor kennë woŋ ayiɛ̈ɛ̈u raak.

10.Dhuk acï wɛ̈r weer në kaam alɛl kennë abuth në dhïn thok.

Subject: Present continuous tense!
1. Adut a dhim miääu baai = Adut is brewing beer (wine) at home.
2. Adääu a thal ajïth në kundukic = Adau is cooking chicken in the kitchen.
3. Yen a thal ajïth në kundukic = She is cooking chicken in the kitchen.
4. Adut a ruëth ca = Adut is drinking milk.
5. Yen a ruëth ca = She is drinking milk.
6. Anuɛndɛɛr a cuet rïŋ në baai ciɛlic= Anuendeer is eating meat in the courtyard.
7. Yen a cuet rïŋ në baai = He is eating meat in the courtyard.
8. Keek aa ruëth ca wutic = they are drinking in the cattle camp.
9. Päc a com anyol domic =Pach is planting corn on the farm.
10.Yen a dek pïu= she is drinking water.
11. Bol a dek miääu ɣöt = Bol is drinking wine inside the house.
12.Yen a dek miääu ɣöt = He is drinking wine inside the house.
13. Adurɣɔ̈knɔ̈k a cam cuɛɛi ɣöt kɔ̈ɔ̈u = Adurhoknok is eating tamarin in the backyard.
14. Amukanɛ̈i a pur rap domic= Amukanei is cultivating sorghums on the farm.
15.Yen a pur rap domic = He is cultivating sorghums on the farm.
16. Dhuɔ̈ (dhuɔ̈k) aa diɛ̈r tiɔ̈ɔ̈r ë bulic=The boys are dancing in a drum’s field.
17. Keek aa pol në tiɔ̈ɔ̈r ë bulic=They are playing in a drum’s field.
18. Yen a pol në tiɔ̈ɔ̈r ë bulic=He is playing in a drum’s field.
19. Adɔ̈l a diɛ̈r ɣöt kɔ̈ɔ̈u = Adol is dancing in the backyard.
20. Yen a diɛ̈r ɣöt kɔ̈ɔ̈u = she is dancing in the backyard

The Creation of the World: In the beginning, God created the heavens and the earth (Gɔ̈c ë gɔɔcë käŋ ëciɛkë Nhialic nhial ku piny).  

1 Gɔ̈c ëgɔɔcë käŋ ëciɛkë Nhialic nhial ku piny. 2 ku cïn Pinynhom käŋ lɛ̈ɛ̈unhom; tɔ̈ cuɔl në pïunhïïm:ku ye Jɔŋdïït de Nhialic tëëk në piäunhon. 3 Go Nhialic jam, yennë ɣɛɛr tɔ̈; go ɣɛɛr tuɔ̈l. 4 Go Nhialic ɣɛɛr ŋëm në piɛth: ku tek ɣɛɛric në cuɔl. 5 ku cɔk Nhialic ɣɛɛr ye Akɔ̈l, ku cɔk cuɔl ye Wɛ̈ɛ̈r. ku thëi ke miäkduur aaye aköl tök.

6 Go Nhialic jam, yennë kaam tɔ̈ në piäuciɛlic, ku në tek pïu. 7 Go Nhialic kaam cak,ku tek pïukɛ̈ në kaam baŋ nhial , ku pïukɛ̈ në kaam baŋ piiny: go tɔ̈ yeya. 8 Ku cɔk Nhialic kaam ye Nhial. Ku thëi ke miäkduur aaye aköl keerou. 9 Go Nhialic jam, yennë piäu tɔ̈ në pinythar në mät në të tök, ku në të ɣer tul: go tɔ̈ yeya, 10 Ku cɔk Nhialic të ɣer ye Piny; ku cɔk män de piäu ye Baar: go Nhialic ŋëm në ye këpiɛth. 11 Go Nhialic jam, Yennë piny cil në noon, ku në wɛl ye luɔk në nyïïn, ku në tiim ye luɔk ka nɔŋ yiic nyïïn, ye luɔk në luɔkden, në Pinynhom: go tɔ̈ yeya.

12 Go piny cil në noon ku në wɛl ye luɔk në nyïïn, ye luɔk në luɔkden ku në tiim ye luɔk në ka nɔŋ yiic nyïïn, ye luɔk në luɔkden. Go Nhialic ŋëm në ye këpiɛth. 13 Ku thëi ke miäduur aaye aköl keediäk. 14 Go Nhialic jam, Yennë kaɣer tɔ̈ në kaam Nhial, bïk akɔ̈l tek ku wɛ̈ɛ̈r; ku në ke tɔ̈ bïk käŋ ya nyuɔɔth, bïk akɔ̈l ya tek ku run. 15 Ku në ke tɔ̈ bïk käŋ meer në kaam nhial bïk ya ruɛɛr në Pinynhom: go tɔ̈ yeya. 16 Go Nhialic kaɣeer dït keerou cak, bï kë ŋuän tɔ̈ akɔ̈l, ku bï kë koor tɔ̈ në wɛ̈ɛ̈r, ku kuel ëya. 17 Go Nhialic ke tääu në kaam nhial, bïk ruɛɛr në Pinynhom, 18 bïk naŋ riɛɛr në akɔ̈l ku wɛ̈ɛ̈r, ku bïk ɣɛɛr tek kennë cuɔl: go Nhialic ŋëm në ye këpiɛth. 19 Ku thëi ke miäkduur aaye aköl keeŋuan. 20 Go Nhialic jam, Yennë piäu Thiäŋ në kapïr, ku në diɛt cath nhial në Pinynhom në kaam nhial.

21 Go Nhialic kagök ke Baar cak, ku kapïr, Kedhia cath në pïu yiic në cit cäŋ ëciɛkë keek,ku diɛt nɔŋ wuɔ̈k në cït cäŋ ëciɛkë keek, go ŋëm në ye këpiɛth.

22 Go Nhialic ke theei, jiɛɛm, Ye we bï mïthkuɔ̈n dhiëëth ke ke juiëc, ku we bï kut, ku thiäŋkɛ̈ piäu de baar, ku në diɛt kuɔ̈t ëya në Pinynhom. 23 Ku thëi ke miäkduur aaye aköl keedhiëc.

24 Go Nhialic jam, Yennë piny dhiëth kapïr në cït cäŋ ëciɛkë keek, yï ɣɔ̈k ku kamol piiny ku läi ke Pinynhom në cït cäŋ ëciɛkë keek: go tɔ̈ yeya. 25 Go Nhialic läi ke Pinynhom cak në cït cäŋ ëciɛkë keek: Go Nhialic ŋëm në ye këpiɛth,

26 Go Nhialic jam, ye cakku raan ke thöŋku röth: ku në nɔŋ riɛɛr në rec bɛɛr, ku diɛt nhial, ku ɣɔ̈k,ku Pinynhom ëbɛ̈n, ku kamol Kedhia në Pinynhom. 27 Go Nhialic raan cak ke thɔ̈ŋ rɔt, ciɛk Nhialic ke ye kɛ̈ɛ̈rëde: yï moc ku tik kekka ke ciɛkke. 28 Go Nhialic ke theei,ku yöökke,  Ye we bï mïthkuɔ̈n  dhiëëth ke ke juiëc, ku we bï kut, ku thiäŋkɛ Pinynhom, ciɛ̈ŋkë në riɛɛrduɔ̈n në Pinynhom ku naŋkë riɛɛr në rec bɛɛr, ku diɛt nhial, ku kapïr Kedhia cath në tiɔpnhom.

29 Go Nhialic jam,Ye ŋɛ̈mkɛ̈, we ca yiɛ̈n wal Kedhia ye luɔk në nyïïn tɔ̈ në Pinynhom ëbɛ̈n, ku tiim Kedhia ye luɔk në k nɔŋ yiic nyïïn, aabï tɔ̈, aabï ya ya mïïthkuɔ̈n: 30 Ku wäl ŋök ëbɛ̈n ee miɛ̈th de läi ke Pinynhom Kedhia, ku diɛt nhial Kedhia, ku kamol Kedhia, në Pinynhom nɔŋ yiic wëi: go tɔ̈ yeya. 31 Go Nhialic ka cïke cak Kedhia ŋëm, ke ke ye kapiɛth arët. Ku thëi ke miäkduur aaye aköl keedhetem.