Buŋ de de Lëk Thɛɛr: Bɛ̈nbei 20:1-4, 7-9, 12-20

1 Go Nhialic kee wëlkɛ̈ lueel kedhiɛ, jiɛɛm:
2 Wu ya ɣɛn ye Yekoba Nhialinydu, man cï yï bɛ̈i bei piny de Yijep, bɛ̈i yï bei dhiën de luɛɛk. 3 Yïn bï yaa ciɛ̈n nhiëlic kɔ̈k, ee ɣɛɛn ɣatök.
4 Duɔ̈nnë käŋ ye cak, ke cït ka ye tɔ̈ nhial, kë ke cït käpiiny, kë ke cït kä ye tɔ̈ në pïu yiic.
7 Duɔ̈nnë rin ke Yekoba Nhialinydu duɔ̈nnë ke ye läät;
Yekoba abï lɛ̈tde guɔ̈ɔ̈r ënɔŋ raan ye lat.
8 Duɔ̈nnë nhom ye määr në kööl ë Thabath, ye week peei, ee kööl lajik.
9 Yïn bï yaa luui në aköl keedhetem, aabïn ke luɔidu yaa looi ëbën:
12 Ye wuur theek ku moor: ba yaa cieŋ në aköl juëc piny cïï Yekoba Nhialinydu yiɛ̈n yïïn.
13 Duɔ̈nnë tir näk.
14 Duɔ̈nnë ye kör.
15 Duɔ̈nnë ye kual.
16 Duɔ̈nnë raan rɛ̈ɛ̈r ke yïïn ye riɛ̈th.
17 Duɔ̈nnë paan de mɛnhkuui ye wak, duɔ̈nnë tiŋ de mɛnhkuui ye wak, ku awunde, ku nyanawunde, ku miɔɔrde, ku akajade, ku käke kedhiɛ.
18 Go kɔc kedhiɛ määr de deŋ piŋ, ku ŋëmkï yuil, ku awuɔ̈ɔ̈u de tuŋ, ku ɣeer kuur në tol: wën yï kɔc yï ŋëmkï ye, gokï jääl, ku lekkï kɔ̈ɔ̈c tëmec. 19 Ku yöökkï Mothe, Yï jam wennë wuɔɔk, yïn bukku piŋ: ku duɔ̈nnë Nhialic cɔk jam kennë wuɔɔk, kɛ̈l kë wɔ bï thou.20 Go Mothe kɔc yɔ̈ɔ̈k, Ye duɔ̈kkɛ̈ riɔ̈c: Nhialic ee bɔ̈ bï we bï them, bï riɔ̈ɔ̈cde yaa tɔ̈ në wenhïïm, kɛ̈l ke we bï rɛ̈ɛ̈c yaa looi