Luɔibaai = Homework: Jɔɔn 3:1-7; 16-18

1 Raan de Parithai ee tɔ̈ ɣɔn cɔl Nikodemo, ye bɛ̈ny de Judai. 2 Go lɔ ënɔŋ Yecu në wɛ̈ɛ̈ric, leer ku yöök, Ye Rabï, wɔ nyic yïn ke yïn ye dupiöny cï bɛ̈n ënɔŋ Nhialic. Acïn raan lëu kagɛ̈iyeke në luɔi cï man looi yïn ke të cï Nhialic tɔ̈ ke ye. 3 Go Yecu dhuk, Ye yïn ya yɔ̈ɔ̈k nëyic, Ya na cï raan berë dhiëëth, e kacïï ceŋ de Nhialic lëu në ŋem. 4 Go Nikodemo thiëc, Ye bï raan cï dït bɛɛr dhiëëth adë? Lëu dhuk në adhiënh de manic ku berë dhiëëth? 5 Go Yecu dhuk, Ye yïn ya yɔ̈ɔ̈k nëyic, Ya na cïï raan bï dhiëëth në pïu ku në Jɔŋdït, e kacïï lɔ ë ceŋ de Nhialicic bï lëu. 6 Kë ye dhiëëth në rïŋ yennëkee ya rïŋ, ku kë ye dhiëëth në Jɔndït yennëkee ya wëi. 7 Duɔ̈nnë gɛ̈i në jam ë jam ɣɛn ënhiɛ, Ya yïn bï bɛɛr dhiil në dhiɛ̈th.

16 Nhialic ee kɔc nhiaar e pinynom, ku miɔɔc kɔc ë Wäntöŋden e bɔ̈bei, bï raan ye ye gam bï cuɔ̈k ye thou, ku bï ya naŋ pïïr athɛɛr. 17 Nhialic ee cïï Wënde tuuc në pinynom bï kɔc ke pinynom bï luɔ̈kwei; ee tuuc bï kɔc bï luɔ̈k. 18 Raan ye ye gam acïi ye luɔ̈kwei: raan cïi ye ye gam acï thöl në lukwei, në gäm kën en gam në rin ke Wäntöŋ ë bɔ̈bei de Nhialic.

Ka ke thiëc

Luɔibaai = Homework

Rinku = your name: _________________

I.  Në # 1-5, kuen akököl ku thiɔ̈ŋ ku dhuk thïc cï keek thïïc.

1.   Ye raan de jur no e kë cï lɔ ënɔŋ Yecu ɣɔn në wɛ̈ɛ̈ric?

 

2.   Ye raan cɔl ŋa ekë ɣɔn cï lɔ ënɔŋ Yecu ɣɔn në wɛ̈ɛ̈ric?

II. Biäk Yic ka Lueth   Në # 3-4, kuany Yic ka Lueth.

3.   “Na cïï raan bï dhiëëth në pïu ku në Jɔŋdït, e kacïï lɔ ë ceŋ de Nhialicic bï lëu.”

A.  Yic.

B.   Lueth.

4.   Nhialic ee kɔc miɔɔc ë Wäntöŋden e bɔ̈bei, bï raan ye ye gam bï cuɔ̈k ye thou, ku bï ya naŋ pïïr athɛɛr.

A.  Yic.

B.   Lueth.

III Në # 5-10 ke yïn kuany wɛ̈t yen ye yic nё dhuŋ de kee wёl cï keek thïïckɛ̈.

5.  “Acïn raan lëu kagɛ̈iyeke në luɔi cï man looi yïn ke të cï Nhialic tɔ̈ ke ye” Yeŋa yennë e lueel ye coorë?

A.  Parithai

B.   Yecu

C.  Nikodemo

D.  Rabi

6.   Yeŋa yen e thiëc ye thiëcë “Ye bï raan cï dït bɛr dhiëëth adë?”

A.  Thoma

B.   Nikodemo

C.  Rabi

D.  Mary

7.   Yeŋö e ye Nhialic Wënde tuɔ̈ɔ̈c në pinynom?

A.  Ee tuuc bï kɔc bï waai.

B.   Ee tuuc bï kɔc bï luɔ̈kwei

C.  Ee tuuc bï kɔc bï luɔ̈k.

D.  Aliu ne; ke yic kedhiɛ.

8.   Go Nikodemo thiëc, Ye bï raan cï dït bɛɛr _____________ adë?

A.  Dhiɔp

B.   Dhiëëth.

C.  Cil

D.  Thou.

9.   “Go Yecu dhuk, Ye yïn ya yɔ̈ɔ̈k nëyic, Ya na cïï raan bï dhiëëth në ____, e kacïï lɔ ë ceŋ de Nhialicic bï lëu.”

A.  Tik

B.   Run

C.  pïu ku në Jɔŋdït,

D.  Aliu

10.    “Duɔ̈nnë gɛ̈i në jam ë jam ɣɛn ënhiɛ, Ya yïn bï bɛɛr dhiil në _____________.”

A.  Dit

B.   dhiɛ̈th

C.  Pɛ̈l

D.  Dhiɔp

 

 Jɔɔn 10:1-42(John 10:1-42) Bible Lesson

1 We ya yɔ̈ɔ̈k nëyic, Ya raan cee lɔ në rɔŋ de thökic në rɔk thok ku yith thïn në dhöl dɛ̈ peei, e kee ruëëny ku ye dupëc. 2 Ku raan ye lɔ thïn në rɔk thok, yennëkee ya abiök de thök. 3 Ayee dutït liɛ̈p thok; ku kayee thök piŋ rör: ku cɔɔl thökke në rinken, ku leer ke biyic. 4 Na cï thökke kedhiɛ laar biyic, e kaa yeke ŋɔ̈ɔ̈r, ku ye thök kuany cök: aayekï nyic rör. 5 Ku kaacïi alei ye kuany cök, aaye kat në yen: aaye rör de alei kuc. 6 Ye parabolë acïï Yecu lɛ̈k ke: gokï ka cï lɛ̈k ke cuɔ̈k muk. 7 Go Yecu ke bɛɛr yɔ̈ɔ̈k, Ye we ya yɔ̈ɔ̈k nëyic, Ya ɣɛn ye thoŋ de thök. 8 Ke kedhiɛ cï ŋɔ̈ɔ̈r ɣanom aaye ruëny ku yekɛ̈ dupëëc: ku kaacïï thök ke ye piŋ. 9 Ɣɛn ye thok: na ye raan ye lɔ thïn në ɣɛn, e kabï luɔk, ku kabï ya lɔ thïn, ku bïï bei, ku kabï të de nyuɛ̈th ya yök. 10 Ruëëny ee bɛ̈n, bï ya kual ku bï ya nɛ̈k, ku bï ya riɔ̈ɔ̈k: ɣɛn ee bɔ̈ bïk naŋ pïïr, ku bïk ya kuɛth në yen. 11 Ɣɛn ye abiök piɛth: ku abiök piɛth ee wëike gam në thök. 12 Ku raan e kuëiyë, ku cee abiök, ku cee thökke, na yee baŋbaar ŋëm ke bɔ̈, e kee thök nyääŋ wei ku kɛt: e kaadɔm baŋbaar ke, ku ye ke thiäi wei: 13 në kë yen raan e kuëiyë, ku cïï thök ye ŋëm apiɛth. 14 Ɣɛn ye abiök piɛth, ku Ɣɛn ye kaciɛ̈ nyic, ku kaciɛ̈ aanyic ɣa, 15 cï man ye Awä ɣa nyic, ku Ɣɛn nyic Awä: ku Ɣɛn ye wëiciɛ̈ gaam në thök. 16 Ku Ɣɛn nɔŋ thök kɔ̈k, cee thök ke ërɔŋë: aabake dhiɛ̈ɛ̈l bei ëya, ku kaabï ɣa ya piŋ rör; ku kaabï ya biöŋ tök, ku abiök tök. 17 Yennëka ye Awä ɣa nhiaar, në kë can wëiciɛ̈ gaam, ba ke bɛɛr lööm. 18 Acïn raan ye ke lööm ënɔŋ ɣa, aaya gam në guɔ̈pdiɛ̈. Ɣɛn nɔŋ riɛɛr ban ye gaam, ku Ɣɛn nɔŋ riɛɛr ban en bɛɛr lööm. Ye löŋë ee kap ënɔŋ Awä.

19 Go Judai bɛɛr teer në kee wëlkɛ̈. 20 Ku jam kɔc kɔ̈k, Ya kanɔŋ jɔŋ rac, ku kee miɔ̈l; yeŋö yakɛ̈ piɛ̈ŋ en? 21 Ke lueel kɔ̈k, Yï kee wëlkɛ̈ aacee wël ke raan nɔŋ jɔŋ rac. Lëu jɔŋ rac cɔɔr a bï yïn?

22 Ku miɛ̈th dït de gɛɛm ee tɔ̈ në Jeruthalem ɣɔn muɔ̈i; 23 go Yecu cath në yekaluic ger de Tholomon. 24 Go Judai guëër ënɔŋ en, ku yöökkï, Yï ba wɔ cɔk gɛ̈i naa? Na ye Kritho, ke lɛ̈kë wɔ ëjik. 25 Go Yecu dhuɔ̈k ke, Ye kaca lɛ̈k we, ku cäk gam: ka yaa ke looi në rin ke Awä keeka ye dulëëk ke ɣɛn. 26 Ku cäk gam, në kë cïï we ye thökciɛ̈. 27 Thökciɛ̈ aaye ɣa piŋ rör, ku kaa yake nyic, ku kaa ye ɣa kuany cök: 28 ku kaa yake yiɛ̈n pïïr athɛɛr; ku kaacï bï kan määr aa bïk lïu, ku kacïn raan bï ke wuɔ̈th bei në ɣacïn. 29 Awä, man e yïn ke ɣɛn, adït në kɔc kedhiɛ; ku kacïn raan lëu ke në wuth bei në Awa cïn. 30 Wɔ ye tök wɔnnë Awä. 31 Go Judai kur bɛɛr kuany, bïk kek ke ye biök. 32 Go Yecu dhuɔ̈k ke, Ye luɔɔi piɛth kuɔ̈tic aca nyuɔ̈th we në Awä; ye luɔɔi no de kee loikɛ̈ bïï we ɣa biök? 33 Go Judai dhuɔ̈k e, Yï yïn cuk biök në luɔɔi piɛth; ee lɛ̈ɛ̈t lɛ̈ɛ̈t yïn Nhialic; ku në kë yïn raan ye rɔt cɔk ye Nhialic. 34 Go Yecu dhuɔ̈k ke, Ye kënnë gɔ̈ɔ̈r në löŋduɔ̈nic, Yï kaca lueel, Ya we ye nhielic? 35 Na cï ke cɔɔl nhielic, kek kɔc cï wɛ̈t de Nhialic ke bɛ̈nkɛ̈ (ku kacïgɔ̈ɔ̈r acee lëu në duɔ̈ny), 36 ke we jam në yen, yen man cïï Wun thieei, ku tuuc në piny nom, Wuɔ̈ yïn lat Nhialic; në kë yan jam, Ya ɣɛn ye Wën de Nhialic? 37 Na cää luɔɔi de Awä ye looi, ke we duɔ̈kɛ̈ Ɣɛn ye gam. 38 Ku na ya luui, ku cäk ɣa cak gam, ke we yakɛ̈ luɔɔi gam: bäk ya nyic, ku bäk ya gam, lan ye Awä tɔ̈ në ɣayic, ku ɣɛn në yeyic. 39 Gokï bɛɛr kɔɔr bïk dɔm: go rɔt kual në kecin. 40 Ku ber lɔ në Jordan lɔŋtï, të yee Jɔn kɔc kan baptïth thïn; ku ye ceŋ thïn. 41 Go kɔc juëc ya bɛ̈n ënɔŋ yen; ku yekï jam, Yï kacïn këgɛ̈iyë e cïï Jɔn looi: ku wël kedhiɛ eke cï Jɔn ke lueel në ye raanë aaya yith. 42 Go kɔc juëc ya gam eetï.