Lëk Thɛɛr (Old Testament) Jeremiah 31:7-14

 7 Alueel Yekoba: Kɛ̈tkɛ̈ në rördït ku në miɛt ë piɔ̈u në këde Jakob, Ku jatkɛ̈ we röt në këde bäny ke pinynhom; Caalkɛ̈, lɛckɛ̈, ku luɛlkɛ̈, Ye luɛ̈k kɔcku yïn Yekoba, ka cï döŋ ke Yithrael. 8 Tiɛ̈ŋkɛ̈, aabake lɔ bɛ̈i piny ciɛɛm, ku aabake kuɔ̈ɔ̈tiic në ɣɔ̈n mec ke pinythar, go ya cöör ku ŋöl, kɔc nɔŋ mïth ku ka rɔ̈p, kedhiɛ; ëke cath ëke juëc, aabï röth dhuɔ̈k ciɛ̈ɛ̈n. 9 Në dhiëëuic ke kaa bï bɛ̈n, ku në duɔ̈t de piɔ̈u ke kaa bake ŋäär baai. Aabake ca cath në ciir de pïu lɔŋɔlŋɔlic, në dhöl lɔcïth cïï kek bï kan kɔ̈th; ɣɛn cï yaa wun de Yithrael, ku Epraim ee mɛnhkaaidiɛ̈. Piɛŋkɛ̈ wɛ̈t de Yekoba, we juɔ̈ɔ̈r, ku caalkɛ̈ në bɛ̈i yiic tëmec; luɛlkɛ̈, Ye Töŋ ë thiɛ̈i Yithrael piny abïke bɛɛr määtiic, ku abï cɔk ye ya abiöŋ de thökke. Yekoba acï Jakob luäk bei, ku wɛɛr në cin rir. Aabï ya bɛ̈n ku këtkɛ̈ në rördït në kuur de Dhiɔn nhom, ku kaa bï ya dëp arëët në ka piɛth ke Yekoba yiic, në rap yiic, në miäu cïïke dhiim yiic, ku në miökic, ku në dɛɛu ke thökiic ku wun ë ɣɔ̈k; pïïrden abï ciɛ̈t dom cï piɔɔk në pïu, ku kaa cïï piɔ̈ɔ̈th bï bɛɛr lɔpäk. Ku dhueecken aabï diɛ̈r në yum de piɔ̈u, ku rörthii ke röördïtken aabï thiëëk. Ɣɛn bï dhiɛ̈ndeen de piɔ̈u wel ke ye miɛt de piɔ̈u, ku kaa bake duut piɔ̈ɔ̈th, ku yiɛ̈n ke yum de piɔ̈u në dhiɛ̈n de piɔ̈uic. 14 Ɣɛn bï bäny kekake Nhialic ca kueth në piaat, ku ca kɔcciɛ̈ thiäŋ në miɔ̈cdiɛ̈, Alueel Yekoba.